Ерөнхий сайд Л.Оюун-Эрдэнэ АТГ-ын дарга З.Дашдавааг улираан томилох саналаа танилцуулж улмаар УИХ-ын чуулганаар хэлэлцэн батална.

З.Дашдаваа нь  2019 онд тус газрын даргаар томилогдсон бөгөөд бүрэн эрхийнх нь хугацаа 2025 оны 5 дугаар сарын 1-нд дуусах байсан ч үргэлжүүлэн ажиллах тохироо явагдаж,  томилгоо хийгдэх бололтой.

УИХ дахь намын бүлгүүд өнөөдөр ээлжит бусаар хуралдаж томилгооны асуудлыг хэлэлцсэн ч  нэр бүхий гишүүд З.Дашдавааг улираан томилохыг эсэргүүцэж байгаагаа илэрхийллээ.

Монгол улс авлигын индексээрээ 121-т эрэмбэлэгдэж авлигатай тэмцэх ажил нь урагшлахгүй ухарч байгаа нь үнэн. Засгийн газар 5ш ажиллагааны хүрээнд авлигатай хатуу тэмцэнэ гэсэн ч хилийн чанадад орогнож буй  авлигаар хөлжсөн нөхдүүдэд хариуцлага тооцож чадаагүй л явна. Ахиц дэвшил гарч авлигын эсрэг хийсэн ажил нь үр дүнд хүрэлгүй зургаан жилийг үдсэн З.Дашдавааг улираан томилох нь ирэх жилүүдэд авлигаас ангижрах нь юу бол.